|
(...) Icyo (...) nagaye mu nyandiko y'Imvaho Nshya ni uburyo yateruye
igira iti "Ibyo MDR yavugiye Arusha....".Wagira ngo Sebatware yagiye
Arusha afite ubutumwa bw'ishyaka MDR.Ndetse utashishoza yagira ngo
Sebatware ari mu rwego rw'ubuyobozi bwa MDR muri iki gihe.
Ibi bifite impamvu:MDR ni mukeba wa FPR.Uzumva ko nta na rimwe babura
urwaho rwo kuyitariza muri rubanda . Mu nama y'ubumwe n'ubwiyunge
iheruka i Kigali bayikojeje ibara ngo ibiba amacakubiri , none Imvaho
Nshya ngo MDR yagiye gushinjura Sebatware.Ibi bigamije kwangisha
rubanda MDR.
Ni iki jye nagira ngo nkwereke , naho ibya Niyitegeka ni
urucabana.Cyereka utemera itsembabwoko ryakorewe abatutsi niwe
byagora kumenya uruhare Niyitegeka yarigizemo.
Sebatware niyiziye nawe nta kindi yari kuvuga imbere y'urukiko kitari
icyo yavuze.Cyaba icyanditswe n'Imvaho cyaba icyanditswe na
Hirondelle , cyaba yewe n'ikitanditswe.
Ngaya abamuhaye umutungo we aho kuwufatira uko amabwiriza y'urukiko
rwa mbere rw'iremezo rwa Kigali yari yabigennye.Ngaya abatumye
amafaranga yajyaga mu bukode bw'amazu ya Sebatware ataramira
inkirirahato zitakigira n'urwara rwo kwishima.
Imvaho nayo ifite ikosa ryo gutangaza ko Sebatware yavuze mu izina
rya MDR.Uyu mukino urimo amahugu menshi.Gukoresha itangamakuru rya
leta mu kuyobya abaturage ni ubugome bukomeye.
Imvaho ni ikinyamakuru cya leta nkikigomba gutariza ishyaka iri n'iri
ngo kivugire ririya , cyane cyane iyo iryo gitariza riri mu mashyaka
agize guverinoma.
Philibert Muzima. (Byashyizwe ku rubuga uRwanda Rwacu, tariki 1 Ukuboza 2002)
|
